Dicke Grumbeere in Uhler

Linda soll jo am besde schmacke, sahn se als. Die Grumbeeresort hot's jo uffemol nimme ze kaafe genn, bis die Leit prodäsdeert hon. Do isse wiere ahngebout wor. Warum die awa so hääßt wie se hääßt, wääß kääna so rischdisch.

Die von de Grumbeere-Macketing GmbH sahn jo, dat ware die Bauere, wo däne Grumbeere die Name genn hon. Die nau Sort soll de Vorname von de scheenst Doochda krieht hon. Un wenn die kä Doochda harre un bloß en Suhn, wie hot die Grumbeeresort dann gehääß? Helmut orre Heinz-Rüdiger? Eisch wääß et nit – ob die dann iewahaupt noch schmacke. Am besde ma huhlt se for Grummbeersupp orre Stampes.

Die von dä Macketing-Dingsda hon vazielt, dat se im Bundesdaach wähe de Gleischbereschdigung im Suhma zwodousendseschzäh harre wulle en Pedizjohn inbränge, dat Grumbeere awei aach männlische Vorname kriehe solle. Awei were se ganz varrickt, hon eisch gedaacht, wie eisch dat gelääs hon. Awa et ware nit allegare im Bundesdaach so geflappt. Se harre nit genuch Unnaschrifde beinanna krieht, do wor nix mit Pedizjohn.

Do gucke eisch mehr ehnda die kläne Pännz vun Uhler ahn, die ganz scheen schwere Bummefatze nohm Ousmache in de Hänn halle un en Hoppehaaf Spass mit däne dicke Grumbeere harre.