Folge 67: Zurück zu de Wurzele - ich unn de Paul unn e widderspenstich Gepäck-Kärrelche
Ganz schön spannend, nach so langer Zeit widder dort zu stehn, wo mer mol ganz klän angefange hott.
Ich hatt meim Freund Paul vesproch, ihn in die Reha zu fahre, in die Psychosomatisch Fachklinik Sankt Franziska-Stift in Kreiznach. Dienschtags is An- unn Abreise. Bis elf muschte mer dort sein. Um Viertel vor elf simmer ankomm. De Parkplatz war bis hinnewidder voll unn die Wendeschleif vorm Haupt-Ingang mit Parkverbot war aach schonn zugeparkt, bis uff än, änzich frei Plätzje, direkt vor de Hauptingangstür. Do hommer grad noch erinngebasst mit unserm Golf, de Paul unn ich, honn sei zwä schwere Reisetasche ausgelad unn sogar noch e Gepäck-Kärrelche defür gefunne.
Lesezeit 2 Minuten
Wie ich das Kärrelche in die Eingangshall geschob honn, is mer klar worr, warum es allän noch do gestanne hott: Käner wollt's honn, weil zwä Rolle im Kreis eijere unn so das Kärrelche selwer entscheid't, wo's hinfährt: üwwerall hin, nur nit dorthin, wo ich will.
