Liebe Conni, vorgeschtern bischt du fuffzich worr unn hoscht mich zu deim Fescht morje Omend no Berlin ingelad. Du hoscht mir e schnuckelich Formular zugemailt, das ich ausfülle unn e Fotto vommir rinnbappe sollt, aus de Zeit, wo mir uns kennegelernt honn. Die Formulare willsche allegar an e Wäschelein klammere unn späder e Album draus mache. Dass ich in das Album komm, is nadürlich selbveständlich, denn wer wäß, was ohne mich aus dir worr wär.
Lesezeit 2 Minuten
Wie dei Mudder Corry 1964 mit dir schwanger wurd, war se 44, no domolichem Veständnis e biblisch Alder für e Schwangerschaft. Dei Schwestere Wally unn Bea ware 18 unn 8 – unn ich war 14. Unser Müdder ware fescht im Glaube veankert unn sinn sich Sonntags in de Mess begejent.