Folge 137: Mei liewer Rolf Bernardi – dem Sportsmann unn Pädagoge zum Intritt in de Ruhestand

Heut is dei letschter Tag im Schuldienscht. Du wirscht in de Ruhestand verabschiedt unn bischt ab dann Pangsjonär. Ich weiß es, ich tipp's in mei Compjuder in, ich drucke‘s aus unn les es, awwer begreife kann ich's nit. Du im Ruhestand? Das kann doch gar nit sein! Mir is, als wär's letscht Johr gewes, wie mir 1961 als Sextaner in deim Zimmer vom Elternhaus am Marktplatz gehockt unn zusamme Freddy Quinn gehört honn, als wär's letschte Monat gewes, wie mir 1969 Abitur gemacht honn, als wär's letscht Woch gewes, wie mir 2009 zusamme mit annere unser Klassetreffe vorbereit honn.