Folge 125: Drei Mann in änem Boot - von Gruselkeller, Mumie-Spinne unn lebenslanger Verbundenheit
„Drei Mann in einem Boot“ heißt e Filmkomödie von 1961, mit Walter Giller, Heinz Erhardt unn Hans-Joachim Kulenkampff in de Hauptrolle. Drei Mann in einem Boot, dass sinn aach mir gewese: de Tim, de Danny unn ich. Eintlich ware mir awwer sechs in einem Boot - unn ware e Familje: mei damalich Lebensgefährtin Anita, ihr Söhn Thomas unn Marcus, ich unn unser zwei Pflegekinner Tim unn Danny, die 1986 zu uns kame unn knapp drei Johr lang bei uns geblibb sinn.
Lesezeit 2 Minuten
Unser Kontakt is awwer aach hinnerher nie ganz abgerisse. Em Danny bin ich alle Schaltjohr mol begejent unn wie mich neulich de Tim anrieft unn set, er unn de Danny käme mich gern emol mit ihre Fraue Yasmin unn Sabrina besuche, bin ich hingang unn honn em Tim sei Lieblingskuche gekaft, e Käskuche, unn honn feierlich de Tisch gedeckt.