Alla dann! - Kolumnen von Gerhard Engbarth
Folge 119: Männer unn Fraue - von Klassetreffe 
unn Klebstoff

Wenn ich als Bub Modellhäusjer von Faller für mei Märklin-Eisebahn zusammegebappt honn, is de Kleb-
stoff regelmäßich neweraus gequitscht unn am Häusje runnergelaaf, obwohl die Klebstoff-Tub e ganz dünn Spitz hatt, awwer
irjendwie honn ich scheint's immer zuviel uff die Tub gedrückt - domols schonn unn im spätere Lewe aach noch öftersch!

Lesezeit 2 Minuten
Wie ich im Kirner Krankehaus die Mandele rausgenomm kriet honn, hatt mer mei Mutter e neu Faller-Häusje mitgebracht, awwer an de Klebstoff hatt se nit gedacht unn ich wollt doch so gern das Häusje zusammebaue, awwer ohne Bapp? Ich muss so traurich geguckt honn, dass e Schwester vom alte Schlag mit Haub unn Kopptuch wisse wollt, was los wär.