Lange Johre de Freie Mitarbeiter – Rudolf Hornberger mit Kamera und Motorrad durch den Kreis Kreuznach
Bad Kreuznach
Lange Johre de Freie Mitarbeiter – Rudolf Hornberger mit Kamera und Motorrad durch den Kreis Kreuznach
Rudolf Horberger war meist mit dem Motorrad für den "Oeffentlichen Anzeiger" unterwegs. Hornberger
Di Johre un di viile, viile Erlebnisse sinn nit ze zehl, di ich als Freier Mitarbeiter vumm Effentliche erlebt, saa merr besser miterlebt honn. Immer honn ich dezu geheert, doch immerr honn ich alleen geschafft – foddegrafiirt un Schdiggelcher in Mundart, meiner Kreiznacher Mudderschbrah geschribb. Redde konnde noch viil Kreiznacher ihr Mundart, doch schreiwe konnt’ se nit eener!
Domols, 1960, wa ich noch kee dreißich, hot de Effentliche e’ Preisausschereiwe im Blättche ausgeschribb. Middeme Schbortbild vun e‘me Schwarze hatt ich de eerschde Preis gewunn. Zehje Mark hot’s gebb, was domols viil Geld wa. De Besitzer vun de Zeidung, de Ferdinand Harrach, hot merr di zehje Mak in di Hand gedrickt un mich gefroot, ob ich nit for di Zeidung sunndaachs Schbortbilder mache wollt.
