Folge 14: Die 30 Silberlinge - Chagall unn Kauffmann in Sankt Stephan in Mänz
Geht Ihne das aach als so? Manches will mer mache unn hott sich’s schonn ewich vorgenomm, awwer immer wemmer’s mache will, kommt was anneres dezwische. Mir is das bestimmt zwanzich Johr so gang mit de Chagall-Fenschter in Sankt Stephan in Mänz.
Lesezeit 2 Minuten
Was ich üwwer ihr Entstehungsgeschicht geles hatt, fand ich spannend, Freunde hatte mer vorgeschwärmt von dene Fenschter, awwer immer, wenn ich in Mänz ze dun hatt, war was anneres.
Bis letscht Johr im März. Do war in Sankt Stephan die Fotto-Ausstellung vommeine Ingelummer Künschtlerfreundin Gerlinde Heep zu siehn, „Der Mensch im Gebet“.
