40.000
  • Startseite
  • » Region
  • » Der Originalbeitrag von Helmut Schick aus Altenahr
  • Aus unserem Archiv

    Der Originalbeitrag von Helmut Schick aus Altenahr

    De Daach vüür Hillichovend

    Foto: Jochen Tarrach

    Ett wor de Daach vür Hillichovend. Esch moot ens errüs. Die Strooße
    vunn Aldenaa senn jo öm diss Johreszick wie ussjestorwe. Datt woor mir
    janz reesch. Esch wull keene seehn. Esch moot noodenke. Seit demm ming
    Firma mesch entloose hätt, ess nix mieh wie ett woor. Bess emm Härvs
    hann esch als Buchhalter bei der Maschinnefabrik Anton Dürpel jeärbed.
    Unn als der aale Dürpel jestorwe woor, hatten die Erben nix eilijeres
    zu donn, als die Firma an en Investorenjerupp zo verkoove. Schinese!
    Hong Hao Trading Limited. Unn seit demm die Schinese datt Soon hatten,
    ess uns doh ne janz kaahle Wend ömm die Naas jefääch. Der aale Dürpel
    hatt emme sehr vell Wert uff erstklaasije Qualität jelääch. Der soot
    emme „Opp der Maschinne steht menge Name dropp, doo will esch net, datt
    die Kunde do jett draan zo mäkele hann“. Jo unn datt wor jezz annesch.
    Do stund zwar noch emme Dürpel dropp, äwwe do wor keen Dürpel mieh
    drin. Als irschtes hann die die Elektromotorenproduktion zoo jemaach.
    25 Maan wuren entloosse. Von do aan mooten die Motoren uss nem
    Motorenwerk in Korea ennjebaut wääre, datt och der selbe Jerupp
    jehüürt. Unn wie mir der Jupp, der Werkmeister verzällt hätt, woren die
    Denge vunn ene janz annere Qualität, die haalen villesch ein bes zwei
    Joohr unn dann senn se kapott. Als nächstes jingen se an de Verwaltung
    unn do woor esch ooch mett dabei. Die Buchhaltung woord ussjelagert an
    enn Mutterjesellschaft „European Head Office“ in London. He im Werk
    wuuren nur noch Einjangsstempel opp die Papiere jemaach und dann noh
    London jescheck. Stellen se sech datt emool vüür. Do schriev ene
    Liverant en Räächnung, do kütt ene Stempel dropp, dann widd datt Denge
    noh England jescheck, die Pröfen datt, hann noch en Frooch, schrieven
    enn E-Mail, un wenn die mit der Antwoort zofridde senn, bezahlen se
    vilisch ens die Räächnung. Suu ene Quatsch. Jo un in demm System woor
    für mesch dann keene Plaatz mieh. Fuffzisch Joohr alt, Buchhalter, hatt
    esch im Härvs de Kündijung enn de Poss. Jäzz wessen meng Frau unn esch
    nitt mieh wie ett wegge jihn soll. En neu Äärbed hann esch noch nett
    jefonne, un och nix in Aussicht. Wenn meng Frau nett bozze jing, Kääme
    mir mit dem bessche Äärbedsloosejeld nitt röm. Jo unn denne Jedanke
    hing esch noh, als esch durch die leere, verschneite Bröckestrooß jing.
    Nur een Wirdschaff hat opp, äwwe e Bier kunnt esch mir suwisu nitt
    leiste. Fuffzisch Euro hatt esch noch, datt woor alles. Damit woll esch
    am mächste Daach noch zum Aldi, um wennichstens e bissche jätt schönes
    für ze Aäße für Chrsitdaach zo koofe. Plötzlich koom mir ne Maan mett
    nem Sack entjäje un schwatt mesch aan. „Joden Oovend, künnen sie mir
    hälfe? Esch moss unbedingt nooh Neuenahr in ett Krankehuus, do soll
    esch für die Konde de Nikloos maache. Jezz ess mir grad do vürre am
    Bahnhoff et Auto kapott jejeange. Jeld hann esch och keent dabei.
    Künnen Sie mir fuffzisch Euro für e Taxi liehne? Esch verspräächen ett,
    esch brängen et morje Frööh zurück, jenn se mir ihr Adress, ömm Aach
    Uhr morje föh senn esch met Ihrem Jeld do. Ihrliisch.“ Esch wees nett,
    watt mesch do jeridde hätt, äwwe der Maahn hätt su ene Eindruck opp
    mesch jemaach, esch joof demm datt Jeld. Der däät sesch überschwenglich
    bedanke, un soot noch, datt die Konde sich freue wüüren, schriff sesch
    menge Name unn Adress opp un fott wore. Wo der su schnell e Taxi her
    hatt, wees esch och nett, villisch hat der datt att vürher aangerofe.
    Esch woor wedde aleen mit menge jedanke. Ojeoje, wenn esch jellisch
    heemkonn un datt mege Frau verzälle. Esch wees att janz jenau watt
    jelisch passiert. Se witt mesch uss ihre wunderschöne blaue Ooche
    anluure un soon: „Esch hann et emme jewoss, Esch hann et janz jenau
    jewoss, Du unn deng Jootmödichkeit, eenes Daachs krejen mir noch emool
    Ärje dodürch.“ Jo unn Rääsch hätt se jo. Esch meene, watt wor datt
    ejentlisch? Do kütt eene, verzällt mir jätt vunn Konde unn vumm Nikloos
    unn esch jänn dem fuffzisch Euro. Nett nur fuffzisch Euro, oos letzte
    fuffzisch Euro, vúnn denne esch morje Jätt zo Ääße für Hillischoovend
    koofe woll. Dann hann esch mesch entschlose ihr ihrz enss nix zo sonn,
    Wenn dä Minsch mett demm Jeld morn nitt Kütt, kann esch emme noch
    Bischte.Langsam jing esch heem. Esch hann dann nit mieh vell met minger
    Frau jeschwatt unn sinn schnell en ett Bett. Am nächste Morje, meng
    Frau unn esch sooßen jerad beim Kaffee, do klingelt ett ann de Düür.
    Eejentlech hatt esch jo keen Loss irjedeene zo sehn, äwwe esch jing
    trotzdemm hin. Drusse stund der Maan vunn jeste Oowend. „Joode Morje!“
    reef der jootjelaunt. „Esch wull inne ihr Jeld bränge!“ „Watt für e
    Jeld?“ frooch meng Frau, die zwischenzeitlich hennesch mir stund. Der
    Maan un esch wullten gleichzeitisch aanfange zo schwätze, do frooch
    Meng Frau. „Wellst Du der Maan net ens rennloose? Mir hann bestemp noch
    ne Kaffee für Sie“ Also setzten mir oos enn de Kösch zosaame un dronken
    ene Kaffee. „Entschuldijen Se“ sooht der Maan „Esch hann mich inne jo
    noch jaar net richtisch vüürjestellt. Menge Name ess Braun, Fred
    Braun“. Meng Frau meent „Von watt für nem Jeld hann sie dann jerad
    jeschwäzz?“. Noch bevüür esch de Muuhl oppmaache kunnt, verzällt der
    Herr Braun die janz Jeschicht. Meng Frau luurt nur avvwechelnd mesch
    unn der Herr Braun aan unn woss nix zo soon. Mir hann uns dann noch
    jätt öwwe dies un jenes unnerhaale, bis datt Jespräch dodropp koom,
    datt esch keen Ärbed mieh hann un worömm. „Ach, sie wooren bei Dürpel?
    Die Firma kennen esch joot. Esch senn nämlich der Fred Braun von Braun
    Stahlbau, mir hann fröhe off Maschinne bei Dürpel jekoof, äwwe in
    letzte Zitt sinn die nix wie, datt ess nur noch Schrott, datt wulle mir
    nitt mieh!“ „Jo, datt hätt mir oose Werkmeister och att verzällt, dat
    die Qualität stark noojelosse hätt“ sooht esch zo demm Herr Braun.
    „Esch befürchten, ett witt nett mieh lang Duure, do es der Name Dürpel
    von der Bildfläsch verschwonne“. Plötzlich sooht der Herr Braun „Moment
    moohl, do fällt mir jerad watt enn. menge Buchhalter, der Pörzjens
    Mattes, der jeht doch emm Määrz en Rente, do bruchen esch doch enne
    neue Maan. Wessem se watt, esch stellen Sie enn, Sie hann die Stell!“.
    „Wie, watt, wullen Sie denn jaar kenn Papiere von mir sehn? Zeuchnisse
    und su?“ stammlte esch mieh als datt esch sprooch. „Ach driies opp die
    Papiere, Papier ess jeduldisch, Wenn Sie demm aahle Dürpel als
    Buchhalter joot jenoch wooren, dann ess datt für mesch Zeuchnis
    jenooch. Sie fangen am 2. Januar aan, dann kann der Pörzjen Sie noch
    bess März enärbede. Öwwer Jehalt uns su wegge schwäzzen mir im Januar,
    senn se eenfach am 2. Januar um Aach Uhr bei mir emm Bürro. Do wääre
    mir zwei uns schoon eenesch. Äwwe jezz moss esch wegge, esch will noch
    wat enkoofe.“ „Ach“ soohte dann „Hann Sie öwwehaup noch jett Jeld? „ Er
    hollt se Portmonee russ, un joow mir 200 Euro „He hann Sie enne kleene
    Vorschuss, Sie wullen doch bestemmp mit ihrer Frau aanständisch
    Weihnachte fiere, oder etwa nett?“ Unn schon wor e fott. Meng Frau unn
    esch sooßen noch en janz Zitt am Desch unn kunnte nix soon. Dann sooht
    Sie : Esch hann ett doch jewoss, esch ha nett janz jenau jewoss“ un
    luurt mech uss ihre wunderschöne blaue Ooche aan „Du und deng
    Jootmödichkeit! Eenes Daachs wiss du dofür enns belohnt“.

    Der Originalbeitrag von Marianne Breuer aus DedenbachDer Originalbeitrag von Uta Assenmacher aus HeppingenUnser Dialekt ist noch von der Römerzeit beeinflusst3. Platz: Der Originalbeitrag von Dieter Koll aus Dernau2. Platz: Der Originalbeitrag von Herbert Engel aus Ahrweilerweitere Links
    Rheinland-Pfalz
    Meistgelesene Artikel
    epaper-startseite
    Anzeige
    News aus Ihrer Region - Lokalteil wählen
    wissenlinz,neuwiedremagenmontabaurandernach,mayenkoblenzdiezbademszellsimmernbirkenfeldkirn,badsobernheim,meisenheimbadkreuznach
    Das Wetter in der Region
    Mittwoch

    5°C - 12°C
    Donnerstag

    10°C - 15°C
    Freitag

    8°C - 13°C
    Samstag

    3°C - 9°C

    Das Wetter wird Ihnen präsentiert von:

    Anzeige
    Anzeige
    Event-Kalender
    Veranstaltungstipps

    Sie haben einen Veranstaltungstipp für uns? Hier geht's zum Formular!