Mei liewer Hombes, kannscht du mir mol e Rat genn in Bezug uff e Rad? Ich will mer nämlich e neues zuleje unn weil du doch aach „so e Moppedche fährscht“, wie du dich immer ausdrückscht, wenn du von deiner 500er-Maschin die Redd hoscht, dacht ich, ich könnt dich „um Rad froe“, zumal mir jo jetz beide fer de Öffentliche schreiwe, also gewissermaße im Öffentliche Dienscht sinn.
Lesezeit 2 Minuten
Ich bin jo schonn von Kind an Fahrrad gefahr, außer ganz früher, do hatt ich e blauer Tretroller. Wo annere Kinner e ordinärer Gepäckträjer üwwerm Hinnerrad hatte, war bei meim Roller e roter Kunschtledder-Sattel. Zum achte Geburtstag sollt ich mei erscht eije Fahrrad krien!
