Folge 20: De runde Geburtstag im Kloschter - oder: de Wald als Lehrer
Mei Schwester Traudel Sachs unn ich in Himmerod, uffem Lehrpfad „Die Schöpfung bewahren“
Doro Betz
Mei Schwester Traudel Sachs is jo e Aprilscherz. In de Nacht zum 1. April isse uff die Welt komm unn hott in dere Nacht gleich schonn die Inbrecher vescheucht, wie alle Lichter im Haus angang sinn, als de Vatter die Mutter ins Krankehaus gefahre hott. Dies Johr hott bei ihr e runder Geburtstag angestann unn um allem Rummel dehäm aus de Fieß ze gehn, wollt se annem Ort feijere, wo mir als Kinner oft mit unsere Eltere ware, im Kloschter Himmerod in de Eifel. Ob ich mit er hinfahre det? Ei allemol! Wofür hott mer dann Geschwister. Am 30.März simmer mittags um drei Uhr los.
Lesezeit 2 Minuten
Wie mir Kinner ware, hatt unser Vadder 1955 in de Kur de Gästepater vom Kloschter kennegelernt, de Pater Albert unn der hatt mei Vadder ingelade, ihn emol im Kloschter zu besuche. Das honn die Eltere 1956 gemacht unn ware vom Urlaub im Kloschter so begeischtert, dass se die nägschte zehn Johr lang jede Sommer mit uns hingefahre sinn.
