Folge 21: Zwische Himmel unn Höll - em Hombes sei Oschterbesuch in Sowwerum
De Hombes unn sei Fraa Rosel am Oschtersonntag 2012 vor de Disibodeberjer Kabell in Bad Sowwerum.
Gerhard Engbarth
Am Oschtersonntag war ich bei meine Schwester zum Mittagesse ingelad. War gut. Wie ich dann satt unn müd mei Rädche hämmgeschob honn, siehn ich vor meim Haus zwä Leit ins Audo steije, die grad widder wegfahre wollte, wenn ich nit hämmkomm wär. Unn wer war's? De Hombes unn sei Fraa Rosel. Jetz muss ich känem Kreiznacher erkläre, wer de Hombes is unn fer die Nicht-Kreiznacher kimmt jetz de uldimative Hombes-Kräschkurs: De Hombes is Künschtler unn Kunschtwerk in äner Person.
Lesezeit 2 Minuten
E Kreiznacher Gässjes-Bankert, wo in de Sparkass Bänker gelernt hott. E is e vedammt guder Fottograf unn schreibt Geschichte, die's in sich honn. Er schreibt wie er red’t, was manchemol so grob klingt, dass mer mäne könnt: Hinnere raue Schal steckt e rauer Kern, awwer beim Hombes isses wie mit de siwwe Häut vonnere Zwiwwel oder aach wie mit dene russische Babuschka oder Matroschka-Holzpüppcher, wo in jeder e anner middeme neue Gesicht steckt.
