Folge 10: Post aus de Blues-Stroß - wie ich down under e gut Werk vollbracht honn, ohne was defür zu könne.
Letschtens honn ich aus Australien vonneme Bekannte e E-Mail kriet, nä, mehr wie e Bekannter. E Freund? Das wär vielleicht zu viel gesat. Was simmir also? Ehemaliche Klassekamerade simmir. Sechs Johr hommir zesamme die Schulbank im Sowwerummer Gymnasium gedrückt.
Lesezeit 2 Minuten
Er war erscht späder in unser Klass komm, sei Vadder war beim Bund. Vom erschte Moment an war er mer sympathisch, awwer er unn ich hatte annere Freundeskreise unn honn scheint’s immer so e Art Sicherheitsabstand gehall.
Unn jetz schickt er mer aus Sydney e E-Mail middeme Fotto von zwä Straßeschilder: Das än zeit in Richtung „Blues Point Road“, das anner in Richtung „Henry Lawson Avenue“.