Folge 12: De Wolfgang Heimer unn de Paschtor Felke - zwä große Sowwerummer
Das Fotto is vor e paar Woche uffgenomm worr, im Vorfeld von de Veleihung vom Ehre-Ring der Stadt Sobernheim an de Wolfgang Heimer. In de Händ hält er e Büste vom Sobernheimer Ehrenbürger Emanuel Felke. Dem honn die Sowwerummer vorm Bahnhof e Denkmal gesetzt.
Lesezeit 2 Minuten
De Wolfgang Heimer hott em Paschtor Felke aach e Denkmal gesetzt: im Felke-Zimmer vom Sowwerummer Heimatmuseum. Ich san jo drüwwer „es Heimert-Museum“, weil’s em Wolfgang Heimer sei Kind is. Der hott em die Bruscht gebb unn hott’s großgezo.
Üwwer die Johre hott sich das Kind ausgewachs zu ere hübsche, junge Fraa.