Sympathisch uff de 
erschte Blick - Begechnung middem 
Nikolaus Blättermann Es gibt Mensche, die sinn ähm uff de erschte Blick sympathisch, ohne dass mer wüscht warum. Von äner Sekund uff die anner merkt mer: Den Mensch mag ich! Mir is das middem Nikolaus Blättermann so gang. Was ich bei unsre erschte Begechnung empfunne honn, war nit änfach e Gefühl, sondern war Wissen. mehr ...

Von Tunnel unn Löcher - Es Lewe is e 
Schweizer Käs Wie ich neulich de Paul getroff honn, hatte mer beide e zimmlicher Durchhänger unn als mer uns heut widder begejent sinn, wollt ich wisse, ob’s ihm schonn besser ging. Er sat, er det Licht am Ende des Tunnels siehn. Dann hott er gefrot, wie’s mir ging. Ich sat: „Paul, um bei deinem Bild zu bleiwe: Ich komm mer vor, wie wenn ich middem Zug durch e Tunnel fahre unn der Zug fährt unn fährt unn ich denk schonn die ganz Zeit: Ja, nimmt das dann gar kä End? No ja, awwer irjendwann nimmt’s doch e End unn ich siehn Licht am Ende des Tunnels, so wie du. mehr ...

De Kurgast unn de Rabbi - Er is wie ich Mei Freund Ralph kenn ich schonn seit's en gibt. Sei Eltere, de Werner unn die Leni Dickopf, honn uff Löhborn gewohnt, ums Eck von de Friedhofsallee. Wie de Ralph uff die Welt kam, war ich zehn. Wie er vier war, hott er mer schonn beim Zaunstreiche geholf. Das war so scheen wie beim Tom Sawyer, awwer das vezehl ich Ihne e anner Mol. mehr ...

De Paul - Warum manche Leut kä Nachname bräuchte Wenn Sie in Sowwerum froe, was de Paul macht unn wie's em geht, werre Se vielleicht höre: „Ei, gut!“ oder „Ich honn en länger nit gesiehn“, vielleicht aach: „Em Paul geht’s wie immer!“ Was Se nit höre werre is die Rückfrag: „Ei, welchem Paul dann?“ Unnötich! Wenn’s in Sowwerum häßt „de Paul“, dann wäß mer, wer gemänt is. mehr ...

In Fahrtrichtung rechts - Warum äner rückwärts uff seim Esel sitzt Wie issen das bei Ihne, wenn Sie Zug fahre? Wo hocke Sie en sich hin, wenn Se die Wahl honn? Hocke Sie sich lieber in Fahrtrichtung oder geje die Fahrtrichtung, lieber ans Fenschter oder zum Gang hin? ch befasse mich schon lang mit dem Thema, nit nur aus persönlichem Intresse, sondern aach statistisch. Unn zwar honn mei Umfrage folchendes ergebb: Neun von zehn Reisende hocke sich liewer in Fahrtrichtung als geje die Fahrtrichtung unn siwwe von zehn sitze liewer am Fenschter als im Gang. Rechtshänder zieht’s ans rechte Fenschter, Linkshänder ans linke. mehr ...

Zwische Himmel unn Höll - em Hombes sei Oschterbesuch in Sowwerum Am Oschtersonntag war ich bei meine Schwester zum Mittagesse ingelad. War gut. Wie ich dann satt unn müd mei Rädche hämmgeschob honn, siehn ich vor meim Haus zwä Leit ins Audo steije, die grad widder wegfahre wollte, wenn ich nit hämmkomm wär. Unn wer war's? De Hombes unn sei Fraa Rosel. Jetz muss ich känem Kreiznacher erkläre, wer de Hombes is unn fer die Nicht-Kreiznacher kimmt jetz de uldimative Hombes-Kräschkurs: De Hombes is Künschtler unn Kunschtwerk in äner Person. mehr ...

De runde Geburtstag 
im Kloschter - oder: de Wald als Lehrer Mei Schwester Traudel Sachs is jo e Aprilscherz. In de Nacht zum 1. April isse uff die Welt komm unn hott in dere Nacht gleich schonn die Inbrecher vescheucht, wie alle Lichter im Haus angang sinn, als de Vatter die Mutter ins Krankehaus gefahre hott. Dies Johr hott bei ihr e runder Geburtstag angestann unn um allem Rummel 
dehäm aus de Fieß ze gehn, wollt se annem Ort feijere, wo mir als Kinner oft mit unsere Eltere ware, im Kloschter Himmerod in de 
Eifel. Ob ich mit er hinfahre det? Ei allemol! Wofür hott mer dann Geschwister. Am 30.März simmer mittags um drei Uhr los. mehr ...

Am richtiche Platz - Warum’s aach unfreundliche Mensche gewwe muss Alles, was is, kreativ isser jo, unser Schöpfer, do gibt’s nix. Was der sich all so ausgedacht unn geschöpft hott, mei liewer Alder. Gut, wemmer dermaße kreativ is wie er, kann nit alles e Volltreffer sinn! Manches is aach e bissje denewer unn anneres voll in die Hos gang. mehr ...

Die Erleuchtung aus de 
Besteck-Schubblad - Von Unnerstützer unn Klänhaller¶ Wie ich die Woch no em Spüle es Besteck in die Schubblad geräumt honn, is mir schlagartich was klar worr, unn zwar: Die gleiche Trennfächer wie in de Schubblad, die hommir aach im Kopp. mehr ...

Es Engbarthsche Gesetz - weil rechte Winkel recht selten sinn Manche Tage fange ganz normal an: Ich denk mer weiter nix, unn plötzlich, aus heiterem Himmel, zack, Geistesblitz, unn ich honn ebbes entdeckt, e neu Nadurgesetz zum Beispiel.   In so Momente fühl ich mich wie de Albert Einstein, wo em die Sach mit de Relativität uffgang is. mehr ...

E Trinkgeld vom Louisiana Red - statt eme Nachruf Am 25. Februar 2012 is de amerikanische Bluesmusiker Louisiana Red im Alter von 79 Johr
in Hannover gestorb. Am 7. November 1982 hatt ich im Ingelheimer KellerKunstKeller mei erscht Konzert mit ihm erlebt – e Ereignis! Hinnerher hott er mer vezehlt, wenn sei Tour an Weihnachte rum wär, wollt er ganz in Europa bleibe. Ich honn en ingelad, Weihnachte mit mir unn meine Familje zu vebringe. In dem Johr hott Weihnachte bis Mai gedauert – so lang hott de Louisiana Red bei mir gewohnt und mir sinn Freunde worr. mehr ...

Dappich oder üwwerzwerch - De Fahrkarte-Audomat oder ich? Immeine Schulzeit in de Sowwerumer Katholisch Volksschul war de letschte Schultag vor de Ferije immer ebbes ganz Besonneres: De Lehrer Thiel hott de Filmprojektor mitgebrung unn uns e Trickfilm gezeit, immer de selwe: „Feldmaus und Stadtmaus“. mehr ...

Die 30 Silberlinge - Chagall unn Kauffmann in Sankt Stephan in Mänz Geht Ihne das aach als so? Manches will mer mache unn hott sich’s schonn ewich vorgenomm, awwer immer wemmer’s mache will, kommt was anneres dezwische. Mir is das bestimmt zwanzich Johr so gang mit de Chagall-Fenschter in Sankt Stephan in Mänz. mehr ...

De Geschichte-Erzähler - Begechnung middem Fritz Rau Mensche hocke im Kreis, äner vezehlt, die annere horche zu. De Erzähler is 81 unn sitzt im Rollstuhl. In seim Berufslewe isser de erfolgreichste Konzertveanstalter in Europa gewes. Er nennt es Rezept für sei Erfolg: moins e Stund früher uffstehn wie die Konkurrenz unn omends oft mehr wie än Stund länger schaffe. mehr ...

De Wolfgang Heimer 
unn de Paschtor Felke - Zwä große Sowwerummer Das Fotto is vor e paar Woche uffgenomm worr, im Vorfeld von de Veleihung vom Ehre-Ring der Stadt Sobernheim an de Wolfgang Heimer. In de Händ hält er e Büste vom Sobernheimer Ehrenbürger Emanuel Felke. Dem honn die Sowwerummer vorm Bahnhof e Denkmal gesetzt. mehr ...

De Hans Moser als Fata Morgana oder: Wie ich Finanzbeamter worr bin Samschtag, 10.Dezember 2011, drittes Adventswocheend, omends. Weihnachtsmarkt in Bad Münschter. No e paar Bummel-runde mit de Doro unn ihrer Freundin Jessica hatt ich mer de Arm abgefror. Hunger hatt ich aach, kä großer, awwer Hunger. Was ess ich dann?Ebbes Klänes, das wärmt. Wie wär's en middere Crêpe? Prima Idee, e Crêpe! Den Gedanke hatte um die Zeit awwer aach noch zich annere. De Crêpes-Stand, war dicht umlagert. Also anstelle. E jung Fraa unn zwä Männer honn hinner de Thek gestann. mehr ...

Post aus de Blues-Stroß Letschtens honn ich aus Australien vonneme Bekannte e E-Mail kriet, nä, mehr wie e Bekannter. E Freund? Das wär vielleicht zu viel gesat. Was simmir also? Ehemaliche Klassekamerade simmir. Sechs Johr hommir zesamme die Schulbank im Sowwerummer Gymnasium gedrückt. mehr ...

Die Fraa Weißgerwer unn de Wilfried Hilgert Vor mer liet e Seit vom Öffentliche Anzeiger vom 29. November 1993, middeme große Bericht unneme Fotto von de Veleihung vonneme Mundart-Preis. Uff dem Fotto simmer nur zwä Leut domols schonn e Begriff gewes: de jung Karl-Otto Velten, im dritte Johr seiner Regentschaft als Landrat unn de Kreiznacher Mundart-Nestor Richard Walter. mehr ...

Die Kirner Fritzbox - Mei Dank an de 
Kultur-Bischof Wo mer hinguckt werd awwei de dreihunnertschte Geburtstag von Friddrich dem Große gefeiert, vom „Alte Fritz“, wie er aach genannt werd. E vielschichtich Persönlichkeit mit viele Fassette isser gewes: Künschtler, der Flötekonzerte geschribb unn uffgeführt hott, Feingeist, der sich mit Voltaire als Gast an seim Hof geschmückt hott; Herrscher, der sat, in seinem Reich dürft jeder no seiner Fassong selich werre unn Kriegsherr, von dem die Legend bericht, wie sei Grenadiere bei de Schlacht von Kolin geflohe wäre, hätt er ’ne wütend zugeruf: „Hunde, wollt ihr ewig leben?“ mehr ...

Die neu Maschin - E Ratschlag vom Hombes Mei liewer Hombes, kannscht du mir mol e Rat genn in Bezug uff e Rad? Ich will mer nämlich e neues zuleje unn weil du doch aach „so e Moppedche fährscht“, wie du dich immer ausdrückscht, wenn du von deiner 500er-Maschin die Redd hoscht, dacht ich, ich könnt dich „um Rad froe“, zumal mir jo jetz beide fer de Öffentliche schreiwe, also gewissermaße im Öffentliche Dienscht sinn. mehr ...

Die Mutmacherin - Zur Veabschiedung von de Sabine Richter als Roxummer Gemeindeparrersch Es gibt Mensche, von dene geht e Kraft aus, die bewirkt, dass mer zusamme middene alles kann, weil mer sich zusamme middene alles zutraut. Alles! Die Roxummer Parrersch Sabine Richter is für mich so e Mensch. mehr ...

Goodbye, Hubert Sumlin Vor drei Woche, am 6. Dezember hott in de Zeidung, gestann, dass Tags zevor im Krankehaus inneme Vorort von New York de legendäre Blues-Gitarrist Hubert Sumlin gestorb wär, zwä Woche no seim 80. Geburtstag. Bekannt worr wär er als Lead-Gitarrist in de Band vom Howling Wolf unn mit seim Stil hätt er de Jimi Hendrix, de Eric Clapton unn de Rolling-Stones-Gitarrist Keith Richards beeinflusst.  mehr ...

De Genneratione-Vertrag - E Sprichwort, e Märche unn e Fotto Geht Ihne das aach als so, dass Sie zur gleiche Zeit mit de gleich Sach zu dun honn, middem selwe Thema konfrontiert werre, awwer von ganz veschiedene Seite aus? Mir is das die Tage widder so gang. Beim Zeidunglese bin ich uff e afrikanischer Spruch gestoß: „Auch wenn du aufrecht gehst, vergiss nicht, dass du gekrochen bist.“ Mit dem Spruch isses mer gang wie middeme Schnaps, von dem mer wäß: Schonn wemmer’n im Mund hott, wärmt er de Mage. mehr ...

Die Zeitreis no Bad Münschter - Agent Null Null Sowwerum im Geheimeinsatz Wenn Sie mäne, Zeitreise gäb’s nur bei Seience Fiktschen, san ich Ihne: Jed Nacht, wemmir träume, mache mir Zeitreise: manchemol vorwärts in die Zukunft und manchmol mit Karacho zerück in die Vegangenheit. Do geht’s dann oft ins Land unsrer Kindheit, voll Staune unn voll Wunner. mehr ...

Es Tellefongespräch mit Gott - Die Softwähr macht de Unnerschied Wie mer die Woch de Paul sei neu Händy gezeit hott, do hott er gestrunzt wie e Tutt Mücke, was das all könnt: nit nur tellefonniere, sondern aach Mussick spiele, Fottos mache, Viddeos uffnemme, ins Internet gehn unn Bücher runnerlade – all das könnt mer dodemit mache. Ich sat: „Awwer middem liewe Gott kann’s der kä Vebindung herstelle, dei neu Händy“. mehr ...

Es Glück - Vom Echo, das manchmol lauter is wie’s Rufe Die Tage hatte se’s im Radio vom Geheimnis des Glücks. Unn do is mir widder ingefall, wie unser Torsten emol mittags aus de Schul kam, do war der Bub vielleicht elf, unn wie gesat, so um die Mittagszeit kimmt er die Tür erinn, geht schnurstracks uff mich zu unn freet: „Babba, was is fer dich es Glück?” mehr ...

Ein Sowwerummer schreibt über seine Sicht der Dinge Gerhard Engbarth: Der Kolumnist in „Wir von hier“ - Er ist der einzige Bluesikant der Welt und unser Kolumnist: der „Sowwerummer“ Gerhard Engbarth. In „Wir von hier“ wird er Freitag für Freitag seine Sicht der Dinge erläutern. Kleines und Großes, Alltägliches und Außergewöhnliches, Geheimes und Bekanntes. In Mundart, der Sprache seines Herzens. mehr ...